Man val ver ná ‘sekstransaksie’ glo skeefloop

Argieffoto: Kent Williamson

ʼn 29-jarige man is glo deur ʼn vrou wat hy vir seks wou betaal van die tweede verdieping van ʼn woonstelblok in Pretoria gestamp.

Kapt. Daniel Mavimbela, woordvoerder van die polisie, het gesê ʼn saak van poging tot moord word ondersoek.

“Die slagoffer het glo na die woonstelblok in Leydsstraat in Sunnyside gegaan om by vriende te gaan kuier en daar ʼn 29-jarige vrou ontmoet. Hulle het glo ooreengekom om seks te hê en dat hy die vrou daarvoor sou betaal,” het Mavimbela gesê.

Hy het die vrou glo net R30 aangebied, maar sy wou na bewering meer hê en het hom deursoek.

“Die verdagte het later die slagoffer se rugsak met ʼn skootrekenaar daarin geëis. Toe hy weier, het sy hom glo deur die venster van die woonstel gestamp,” het Mavimbela gesê.

Die slagoffer het onder meer sy pols gebreek en is na ʼn nabygeleë hospitaal gehaas waar hy tans behandeling ontvang.

Die verdagte sal binnekort in die Pretoria-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Fluffy

He really landed hardon the pavement I believe (-:

m

R30 betaal… rerig…. hahahahahahahahahaha. Wat n grap

Jo

Hy kon maar sy masjien ook verongeluk.

Marisa

Wat ‘n patetiese wêreld om in te leef.

Get real

Dit is wat jy kry vir R30.