Foto: ER24
ʼn Man is Donderdag dood ná hy ʼn paar verdiepings ver uit sy woonstel in Johannesburg geval het.
Russel Meiring, woordvoerder van ER24, het gesê paramedici is omstreeks 09:00 na die toneel ontbied in Johannesburg se middestad, op die hoek van Rahima Moosa (Jeppe)- en Nuggetstraat.
“Die oorledene het buite die woonstelblok in die straat gelê,” het hy verduidelik. “Paramedici het hom ondersoek en bevind dat hy ʼn noodlottige kopbesering opgedoen het. Hy is op die toneel dood verklaar.”
Plaaslike owerhede stel ondersoek in.
