ʼn 35-jarige man is in hegtenis geneem nadat ʼn vrou en ʼn baba se verbrande liggame in ʼn veld in die Noord-Kaap gevind is.
ʼn Verbyganger het Sondagoggend op die liggame in ʼn veld naby Windsorton afgekom en die polisie in kennis gestel, het kapt. Olebogeng Tawana, woordvoerder van die polisie, gesê.
Die 18-jarige vrou en nege maande oue babaseuntjie is omstreeks 19:00 Saterdag die laaste keer gesien.
Volgens Tawana het nadere ondersoek gelei tot die 35-jarige man se inhegtenisneming. “Hy is glo die oorledene se kêrel en die pa van die seuntjie.”
Die verdagte sal Maandag in die Barkly-Wes-landdroshof verskyn op twee aanklagte van moord.
Nou sal die “regstelsel” die wrede moordenaar beskerm, maar die arme kind en vrou het geen beskerming gehad nie! Die DOODSTRAF sal dinge verander!
Sterkte aan die familie vsn die jong vrou en baba.
Baie hartseer, en so onnodig…
Hoe doen iemand so iets aan hul eie kind? En dis nou die tipe ‘mense’ wie se regte ons regering ten alle koste beskerm.