Man vas ná Hankey-plaasaanval

Argieffoto

ʼn 32-jarige verdagte sal Dinsdag in die hof verskyn in verband met ʼn aanval op ʼn plaas in die Hankey-omgewing in die Oos-Kaap waartydens ʼn ma van drie kinders geskiet en glo verkrag is.

Kol. Priscilla Naidu, woordvoerder van die polisie, het gesê die verdagte is Woensdag deur lede van die provinsiale eenheid vir georganiseerde misdaad en speurders in die Nketlana-nedersetting, net ʼn paar kilometer van die Lesotho-grens, in hegtenis geneem. Volgens Naidu is van die goedere wat tydens die aanval gesteel is ook deur die polisie teruggevind.

Die verdagte sal in die Hankey-landdroshof verskyn op vier aanklagte van poging tot moord, verkragting, onwettige besit van ʼn vuurwapen, roof met verswarende omstandighede, diefstal en onsedelike aanranding.

Maroela Media het vroeër berig die 44-jarige vrou en haar drie kinders was Saterdag 23 Maart alleen by die huis omdat haar man glo weg van die huis op ʼn jaguitstappie was. ʼn Aanvaller het toegang tot die huis verkry deur verskeie skote deur ʼn glasdeur te skiet en die vrou is in haar rug gewond.

Die aanvaller het die vrou gedwing om, steeds met die koeël in haar rug, saam met hom na ʼn kitsbank in Hankey te ry om geld te onttrek. Terwyl die aanvaller besig was om die geld te onttrek, kon die vrou daarin slaag om met haar voertuig weg te kom.

Naidu het gesê verskeie mense is as deel van die polisie se ondersoek ondervra, maar weer vrygelaat nadat hulle nie met die aanval verbind kon word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

9 Kommentare

jongste oudste gewildste
PJC

Hierdie arme vrou en haar gesin se lewens sal nooit weer dieselfde wees nie. Dis baie jammer die blanke gemeenskap kon hom nie eerste in die hande kry en hom ook iets aandoen wat hom die res van sy lewe sal by bly nie.

Dries

Hierdie is vir my die laagste vorm van barbarisme

Hanna

Sisulu reken niemand in hierdie land het rede om vir hul lewens te vrees nie… Suid-Afrika is blykbaar n wetsgehoorsame, demokratiese land?! Nou ja toe, Lindiwe, hier is weereens die teendeel bewys. Ongelukkig was die slagoffer blank, so sy het dit seker “verdien”. Siek bleddie land van ons!

Coen

Die dag wanneer ons as een man opstaan en sê van vandag weier ons om enige belasting te betaal alvorens ons nie kry waarvoor ons betaal nie sal dinge gebeur soos met die swart maandag optog.

anton

Nee Christa, ek is nie ongelowig nie. Alles behalwe.
Maar die Christene wat net sit en glo as hulle gebid het sal alles sommer regkom, sit die pot bietjie mis. Jy sien by Bloedrivier het hulle ook gebid, n gelofte gemaak en toe die geweer opgeneem en geveg!!!
God kan/sal jou ook net help as jy bereid is om jouself te help. Onthou net, Hy werk nie vir ons nie. Ons moet ook ons kant tenvolle bring.