Argieffoto
ʼn 25-jarige man van die Oos-Kaap verskyn Maandag in die hof vir die moord op ʼn 28-jarige man.
Kapt. Jackson Manatha, polisiewoordvoerder, het gesê die voorval het Saterdag omstreeks 10:00 by die Mzileni-nedersetting in Mahasana in Willowvale plaasgevind.
“Die twee mans het in ʼn stryery betrokke geraak waartydens die 25-jarige man glo ʼn mes uitgepluk en die 28-jarige man daarmee gesteek het. Die oorledene het verskeie steekwonde aan sy bolyf opgedoen en is op die toneel dood,” het Manatha gesê.
Die verdagte is in hegtenis geneem op aanklag van moord. Hy moet in die Willowvale-landdroshof verskyn.
