Man vas oor 11-jarige se lyk op ashoop

pinetown-kloof-seun-lykʼn 31-jarige man is in KwaZulu-Natal in hegtenis geneem op aanklag dat hy sy voormalige vriendin se 11-jarige seun ontvoer en vermoor het.

Volgens Thulani Zwane, polisiewoordvoerder, het Spezihle Phewa se ma hom op 28 November by haar vriend in KwaDabeka gelos aangesien sy glo ʼn paar takies moes afhandel.

“Met haar terugkoms het sy gesien haar seun is weg en dadelik haar vriend verdink,” het Zwane gesê. Phewa se ontbinde lyk is meer as ʼn week later op ʼn stortingsterrein in KwaDabeka gevind. Daar is aanvanklik berig die seun was 15 jaar oud.

Die verdagte is Woensdagaand in Greytown in die KwaZulu-Natalse Middellande by ’n vriendin se huis vasgetrek. Volgens Zwane sal die verdagte binnekort in die Pinetown-landdroshof verskyn op aanklagte van ontvoering en moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Theresa B ·

Sy verdink hom dadelik (dan moes daar mos “iets” gewees het) – maar sy het nogsteeds haar kind by hom gelos!! Huh!!??

Inge ·

Dit is siek, nou moes die arme kind met sy lewe in boed. Wat gaan aan met hierdie vrouens wat toelaat dat hulle mans hulle kinders so verniel? Dit is vir my verskriklik, maak nie saak wat die situasie is nie, jy kry jou kind en jouself daar uit. Jy sal net ‘n stof wolkie sien agter my trek, ek sal dit nie toelaat nie. Die eerste teken van geweld en ek kies koers.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.