Hoofsupt. Wayne Minnaar, woordvoerder van die metropolisie, het gesê hulle het inligting ontvang dat ʼn goue BMW dagga van Lesotho af vervoer en Saterdag op pad was Pretoria toe. “Lede van die misdaadvoorkomingseenheid het gister omstreeks 16:00 op die N1-noord gewag en die BMW naby die Allendale-afrit gewaar.”
Volgens Minnaar is die motor van die pad afgetrek en deursoek. Die beamptes het op ’n versteekte kompartement wat van staal gemaak is en met spons bedek is afgekom in die agterste sitplek. “In die versteekte kompartement is 50 groen baksteenvormige plastieksakkies met dagga in gevind.”
Minnaar het gesê die bestuurder is in hegtenis geneem en is in aanhouding by die Midrand-polisiestasie.
Die motor moes in die eerste plek nie deur die grenspos kon kom nie: ‘n sifdraad-grens vir ‘n sifdraad-regering!
Pietertjie? Hy moes deur die grenspos kom? Hoe anders kry die polisie hulle “cut”? Hy’s nie gearresteer oor die dagga nie….hy’s gearresteer omdat hy nie wil “share” nie!! Vir ‘n groot gedeelte van die populasie is dit wat hy aangery het medikasie!!
Hoekom so ver kom met dit? Daar is sekerlik genoeg daarvan in Pretoria!