Man vas oor diamante, dwelms

Van die dwelms waarop die polisie in Welkom in die Vrystaat beslag gelê het. (Foto: SA Polisie)

ʼn Nigeriër is in Welkom in die Vrystaat vasgetrek nadat die polisie hom met verskeie ongeslypte diamante en dwelms betrap het.

Brig. Motantsi Makhele, polisiewoordvoerder, het gesê lede van die Welkom-honde-eenheid het Maandag roetinepatrollies in die sentrale sakegebied van die dorp uitgevoer, toe hulle ʼn verdagte voertuig in Muizenstraat opgemerk het.

Die voertuig is deursoek en die polisie het verskeie diamante daarin gevind.

“Hulle het die verdagte daarna na sy woonstel in die Welkom-sakekern geneem. Daar het hulle die soektog voortgesit en 22 metamfetamien-tablette (ook bekend as crystal of tik), 275 Mandrax-tablette en ʼn plastieksakkie met kokaïen gevind,” het Makhele gesê.

Die dwelms het ʼn waarde van nagenoeg R40 000.

Die 41-jarige man is in hegtenis geneem vir die besit van ongeslypte diamante en die handel in dwelms, het Makhele gesê. Hy verskyn na verwagting binnekort in die Welkom-landdroshof.

Die diamante waarop die polisie beslag gelê het. (Foto: SA Polisie)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

1 Kommentaar

jongste oudste gewildste
Gerhard

Hulle gaan hom seker borg gee……