Man vas oor padwoede teen pa en sewejarige

In die video kan gesien word hoe die man woedend met ’n moersleutel in die hand teen die motorruite kap. Foto: Skermgreep van Facebook

ʼn Man wat ʼn pa en sy sewejarige dogtertjie op pad na haar skool in ʼn padwoedevoorval gedreig het, is in hegtenis geneem.

“ʼn Spesiale dankie aan almal wat gehelp het om hierdie man, wat my gesin gedreig het, aan te keer,” skryf Florence Dambuza-Kgoleng in haar tweede Facebook-inskrywing oor Woensdag se voorval. “Danksy jul reaksie op die video wat ek gedeel het, kon ons al die nodige besonderhede kry om ʼn klag in te dien.”

Sy het ook die Honeydew-polisie bedank dat hulle so vinnig opgetree het om die man in hegtenis te neem. En almal wat van heinde en ver boodskappe gestuur het om die gesin te ondersteun ná die traumatiese voorval.

Dambuza-Kgoleng het Woensdag ʼn selfoonvideo gedeel van die voorval in Northriding toe ʼn man, wat sy as “barbaars” beskryf, haar man en hul sewejarige dogter met geweld gedreig het. Dit was na ’n rusie oor wie by ’n verkeerslig voorrang moes kry.

“Hierdie man het hulle met die dood gedreig sonder om enigsins in ag te neem dat ʼn kind in die kar was,” het sy geskryf. “Dit het hom ook glad nie gepla dat dit op video opgeneem is nie.”

So iets kan nie ongestraf bly nie.

Die bekommerde ma het vertel dat die man haar man en dogter ná die voorval tot by hul kind se skool agtervolg het. “My man moes in die skoolterrein inry ter wille van hul veiligheid. So iets kan nie ongestraf bly nie.”

Sy het gevra dat mense die video deel en het die hoop uitgespreek dat die man in hegtenis geneem word aan die vooraand van 16 dae van geen geweld teen vroue en kinders.

Die video is teen Saterdagmiddag reeds meer as 400 000 keer gekyk en amper 15 000 keer net van die oorspronklike plasing af gedeel en tallose kere daarna.

Kapt. Balan Muthan het aan News24 bevestig dat ʼn saak ondersoek word en dat ʼn man in hegtenis geneem is, maar wou nie verder besonderhede aan die webwerf se verslaggewer verstrek nie, net dat hy binnekort sal voorkom.

Dambuza-Kgoleng het aan News24 gesê haar dogter “is ontsteld, maar oukei” ná die voorval. In die video kan gehoor word hoe sy beangs skree terwyl die man met ’n moersleutel in die hand om die kar loop en teen die ruite hamer.

Say hello to Steve Matavhulule, owner of Ambient Moon Air-Conditioning Services in Randburg. Steve attacks vehicles with 7 Y.O children in which he claims bumped his vehicle & drove away. Surely most people would drive away from this guy? Disgusting behaviour. Listen to that traumatised crying from the child.After this incident Steve Matavhulule reportedly chased the victim into the child's school premises. Steve acts like a barbarian. Do not be like Steve. Be cool. If you wish to dicuss the matter with Steve – give him a call on 0815007700It looks like the victim froze in fear. What do you think? Steve Matavhulule says that the victim was driving illegally in the yellow line emergency lane & bumped his vehicle.GP, JOHANNESBURG, RANDBURGOpenly shareable via the CICA YouTube channel at: https://youtu.be/SJvzCB0b0DQ

Posted by CICA – Crime Intelligence & Community Awareness – South Africa on Thursday, 29 November 2018

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

49 Kommentare

jongste oudste gewildste
Neels

Dit is goed en reg hou hom verantwoodelik vir sy swak gedrag. Dit is darem wonderlik hoe vinnig daar gereageer word met positiewe gevolge as dit een van die meerderheid is wat te na gekom word

Woedend

Ek hoop hy gaan boet vir dit wat hy gedoen het… Liewe hemel daai arme kleintjie wat bang was.

schalk

Sluit hom toe.Vat sy lisensie af hy is onstabiel.

Ander Annie

Die Boelie. Hy hou aan en aan, desonsanks daardie kleintjie se gehuil. Ek wens ek kan die Boelie ‘n taai klap gee. Ek hoop hy word behoorlik vervolg.

ferdi

Dis voorreg om soggens in Suid Afrika wakker te word en jy leef en ni vermoor is ni