Man vas oor polisiesersant se moord

Sers. Pieter de Lange en sy vrou, Nelmarié. Sy het by dié foto van hulle op Facebook geskryf: “Hy is my lewe en my hart. Sonder hom is ek niks.”

ʼn 31-jarige man is in hegtenis geneem in verband met die moord op sers. Petrus Gerhardus de Lange in Limpopo.

Kapt. Matimba Maluleke, woordvoerder van die Valke, het gesê ʼn taakspan het die verdagte aangekeer. Hy sal na verwagting Maandag in die Seshego-landdroshof verskyn. “Beamptes het tydens sy inhegtenisneming Vrydagaand beslag gelê op ʼn ongelisensieerde vuurwapen en ʼn vermoedelik gesteelde motor is gekonfiskeer.”

Maroela Media het vroeër berig De Lange was in November 2018 aan diens waar hy ʼn beweerde dwelmtransaksie in Bulwayostraat, Ladanna, Polokwane, dopgehou het toe hy aangeval is. ʼn Groep verdagtes in twee voertuie het na die voertuig aangery gekom waarin De Lange gesit het. Vier het uitgeklim en met handwapens op die polisieman begin skiet.

Die 30-jarige lid van die Westenburg-polisiestasie het op pad na die hospitaal aan sy beserings beswyk.

“Die taakspan het kort ná die aanval ʼn gesteelde BMW naby die misdaadtoneel gevind. Die aanvallers het dit vermoedelik vroeër dieselfde dag gebruik.”

Die soektog na nog aanvallers duur voort.

Luidens berigte is ʼn vragmotorbestuurder, wat verby die toneel gery het, deur ʼn dwaalkoeël in sy hand gewond tydens die skietery op De Lange.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

Pieter ·

Hulle hoef nie te ver te soek nie, die feit dat hulle geweet het hy is n polisieman gee te kenne dat daar polisie betrokke was.

Lalie ·

Malema se slagspreuk is mos nie verniet “kill the boer ” …… nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.