Argieffoto
ʼn Man is in hegtenis geneem in verband met ʼn reeks winkelsentrumrooftogte in Gauteng.
“Ons het inligting wat die man aan tot 17 gewapende rooftogte verbind,” het lt.genl. Lesetja Mothiba, provinsiale kommissaris van die polisie in Gauteng, gesê. “Van die sake waaraan die man verbind word, sluit rooftogte by selfoonwinkels in Benoni, Witbank, Vereeniging, Linden, Sandton, Midrand, Lyttelton en Honeydew in.”
Die man, in sy 30’s, is Donderdag in Polokwane in Limpopo in hegtenis geneem, glo terwyl hy op pad was na Zimbabwe. Hy sal na verwagting binnekort in die Randburg-landdroshof verskyn.
Klik hier om vorige berigte oor die rooftogte by selfoonwinkels in Gauteng en die Wes-Kaap te lees.
Mooi so SAPS! hou hom agter tralies! Wou na al sy “affirmative shopping” gaan laag lê in Zim tot volgende jaar, om weer van vooraf te begin!