Man vas oor springstof

Argieffoto

Argieffoto

ʼn Man van Mosambiek is in Boitekong naby Rustenburg in Noordwes met springstof betrap, het die polisie in Noordwes Vrydag gesê.

“Lede van die Phokeng-honde-eenheid en Rustenburg se bomeenheid het ʼn wenk ontvang oor ʼn sekere huis in Boitekong waar springstof versteek word,” het kol. Sabata Mokgwabone, woordvoerder van die polisie, in ʼn verklaring gesê.

ʼn 28-jarige man is by die huis in hegtenis geneem op aanklag van die onwettige besit van springstof. Mokgwabone sê sy inhegtenisneming sal die polisie help om sindikate, wat betrokke is in ondergrondse koperkabeldiefstal by myne, oop te vlek.

Die man sal na verwagting Maandag in die landdroshof in Rustenburg verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.