Man vas vir beweerde eiendomslenter

’n Bedrieglike e-posadres is glo geskep om potensiële eiendomskopers te swendel. (Argieffoto ter illustrasie)

’n 22-jarige man sal na verwagting volgende maand op aanklag van bedrog in die spesiale hof vir kommersiële misdaad in Pretoria, Gauteng, verskyn ná ’n bedrieglike eiendomstransaksie van bykans R1 miljoen.

Die verdagte het glo in Oktober 2018 ’n e-posadres geskep met die doel om potensiële eiendomskopers in Pretoria te swendel.

’n Ondersoek deur die Valke het onthul dat die verdagte ’n e-pos van ’n voornemende koper onderskep en na die bedrieglike e-posadres hersend het.

“Nuwe bankbesonderhede is aan die betrokke koper deurgegee, waarin die koper toe meer as R800 000 betaal het.

“Die Valke het die dagvaarding Dinsdag aan die verdagte beteken. Die moontlikheid dat nog mense in hegtenis geneem kan word, kan nie in dié stadium uitgeskakel word nie aangesien die ondersoek voortduur,” sê kapt. Ndivhuwo Mulamu, polisiewoordvoerder.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
ES

Sal graag wil weet hoekom mense hul lewens verwoes vir so min geld…?

Antjiepat

Dis hartseer om te dink hoe desperaat mense word vir geld en tot watter uiterstes hul sal gaan…

Grens

Ek sal graag wil weet hoekom mense nog steeds val vir dieselfde slenters. As die bankbesonderhede skielik verander, dan moet jy nou weet daar is iets nie reg. Onsersoek eers die saak voordat jy so graag van jou geld wil ontslae raak.

Niklaas

Hoe werk sommige mense se breins ? Dis bitter selde dat mens sulke misdade pleeg en daarmee wegkom.

Misky

So jonk en reeds vrot….. watse toekoms het hy?