Een van die leeuvelle waarop die polisie beslag gelê het. (Foto: SA Polisie)
ʼn 23-jarige man verskyn na verwagting vandeesweek in die hof nadat hy in Hartebeesfontein in Noordwes met leeuvelle en dwelms betrap is.
Kapt. Tlangelani Rikhotso, woordvoerder van die Valke, het gesê lede van die eenheid teen ernstige georganiseerde misdaad, die polisie se taktiese reaksiespan in Klerksdorp en die Stilfontein-veediefstaleenheid het die man Vrydag in hegtenis geneem.
Die polisie het inligting opgevolg en ʼn huis in Tigane deursoek waar hulle onder meer drie leeuvelle, mandrax-tablette en dagga gevind het.
Die man word aangekla vir die onwettige besit van dierevelle en die onwettige besit van dwelms, het Rikhotso gesê.
Laat die man deur die Kruger wildtuin ontsnap.
Daar aan Marloth park se kant….