ʼn 54-jarige man is Vrydag in Lenasia, Gauteng in hegtenis geneem nadat hy glo sy vriendin en ʼn vriend doodgeskiet het.
Ao. Kay Makhubela, polisiewoordvoerder, het gesê die verdagte het die twee glo Sondag by die vriend se huis in Vlakfontein doodgeskiet.
“Die verdagte het sedert die voorval die polisie ontduik,” het Makhubela gesê.
Die rede vir die moorde is nog nie bekend nie. Hy sal na verwagting Maandag in die Vereeniging-landdroshof verskyn.