Man vas vir ontvoering, verkragting

Argieffoto

Argieffoto

ʼn 24-jarige man van Johannesburg is in hegtenis geneem nadat hy glo ʼn 18-jarige vrou ontvoer en verkrag het.

Ao. Kay Makhubela, ʼn polisiewoordvoerder van Gauteng, het Maandag gesê die voorval het in die vroeë oggendure in Jabulani, Soweto, plaasgevind.

“Die man het na bewering die slagoffer ontvoer toe sy vanoggend omstreeks 02:30 van ʼn kroeg op pad huis toe was,” het Makhubela gesê. “Hy het haar na bewering na sy plakkershut geneem en herhaaldelik verkrag.”

Die man het vir ʼn ruk sy huis verlaat en die slagoffer in die plakkershut toegesluit. Sy kon daarin slaag om te ontsnap, waarna sy die voorval by die naaste polisiestasie aangemeld het.

“Die polisie het die man by sy huis ingewag en omstreeks 04:30 in hegtenis geneem toe hy daar aangekom het.”

Die slagoffer is vir mediese behandeling geneem en ontvang tans berading.

Die man moet binnekort in die Protea-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

alet ·

As hulle nie doodstraf wil terug bring vir al die verkragting in hierdie land sny dan alles af wat hulle pla want dis al wat hulle goed kan doen dan moet n mens weet hoeveel gaan ontman wees aitog

Peter Says ·

My beskeie mening…Was dit werklik verkragting…Kroeg…2h30 in die oggend ???

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.