Man vas vir ‘smokkel’ van 87 600 pakkies sigarette

Die sigarette waarop beslag gelê is, is sowat R800 000 werd. (Foto: Gautengse verkeerspolisie)

Die polisie het by ʼn padblokkade tussen Gauteng en Limpopo beslag gelê op ʼn allemintige besending sigarette.

Die Gautengse departement van gemeenskapsveiligheid het Saterdag in ʼn verklaring gesê die 32-jarige verdagte, ʼn Ethiopiër, is op die N1 naby die Carousel-tolhek aangekeer. Hy was in besit van 87 600 pakkies Remington Gold-sigarette met ʼn waarde van nagenoeg R800 000.

Gautengse verkeersbeamptes het die man in hegtenis geneem. Hy is in aanhouding en verskyn later in die Temba-landdroshof op aanklagte van die onwettige besit van en handel in sigarette, asook vir die besit van ʼn vervalste afsonderingsdokument.

Die departement het die beamptes geloof omdat hulle “veiliger gemeenskappe skep”.

“Optredes soos dié is noodsaaklik tydens die Covid-19-afsonderingstydperk om die misdaadgety om te keer. Wetstoepassingsagentskappe sal voortgaan om die vraag na en verskaffing van onwettige goedere te ontwrig en sal verseker dat die sindikate verantwoordelik vir die produksie daarvan gevang word,” het Obed Sibasa, woordvoerder van die Gautengse verkeerspolisie, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Coolbanana

Eintlik lagwekkend hierdie wetstoepassing…. N druppel in die emmer waar hierdie bedryf 30 biljoen werd is per jaar, nog R29 biljoen om te konfiskeer…. Skep eerder jul aandag aan regte krimenele oortredings?

Pieter

More dan koop mense dit by die S. A. P die land is om van op te gooi.

Niklaas

Ek sal graag later wil uitvind wat geword het van die gekonfiskeerde vrag. Dit sal interessant wees. Alhoewel die prys moontlik dieselfde sal bly, gaan die winsdelers “n ander party wees.

Andrew

Toemaar. Die ander 10 voetruie met siggies is verby julle toe julle die mule gevang het.

Okmardom

Waar is dit nou gestoor? Kan dalk n winskopie kry.