Man vas wat glo brande langs N1 stig

Argieffoto

’n 41-jarige man sal na verwagting Maandag in die landdroshof in Kroonstad verskyn nadat hy Saterdag die veld langs die N1 buite die Vrystaatse dorp na bewering aan die brand gesteek het.

Kol. Thandi Mbambo, woordvoerder van die polisie, sê ’n motoris het die verdagte omstreeks 11:30 langs die hoofweg sowat 20 km buite Kroonstad in die rigting van Ventersburg opgemerk. ’n Klein veldbrand het in dié stadium langs die pad gewoed.

Die verdagte het in sy motor gespring en weggejaag toe die motoris hom nader.

Die motoris het die plaaslike buurtwag gekontak en ’n beskrywing van die verdagte se motor aan die buurtwag verskaf. Die motor is later in Kroonstad opgemerk en die verdagte is met behulp van die polisie in sy motor na die plaaslike polisiestasie begelei.

Hy staan tereg ingevolge die oortreding van die Nasionale Wet op Veld- en Bosbrande.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Johann

Sluit hom toe, boere gee hom kos!!!!

Blomme

Maak ń goeie voorbeeld van hom.

DIABLO

Dude! Jy is 41!!! Jou dae van met vuur speel soos n stout 7 jarige is lankal verby. Word groot man!

Nie Verbaas

Borgtog en dan gaan hy aan waar hy opgehou het. Is dit nie hoe ons land se wet werk nie? Ek hoop maar hulle maak die keer n goeie voorbeeld van die persoon.

Johan

Brandstigting sonder beheer is SABOTASIE,want die gevolge kan katastrofies wees,selfs manslagting en moord. Die kleinste wapen kan ń vonk of vuurhoutjie wees….die swaarste straf moontlik behoort toegepas te word.