Man vas wat glo dwelms aan kinders verkoop het

Argieffoto

Argieffoto

Die polisie het ʼn vermeende dwelmhandelaar in hegtenis geneem wat glo dwelms aan skoolkinders in Plumstead, Kaapstad, verkoop het.

“Ná verskeie klagtes van lede van die gemeenskap en die buurtwag in Dieprivier, het die polisie ondersoek ingestel en waarnemings begin doen,” het kapt. FC van Wyk, woordvoerder van die polisie, gesê. “Beamptes het opgemerk dat skoolkinders, in hul skoolklere, dwelms naby ʼn vulstasie in Plumstead koop.”

Van Wyk het gesê die polisie het ʼn aansoek by die vervolgingsgesag ingedien om ʼn lokval op te stel. Die aansoek is goedgekeur en Vrydag uitgevoer. “Die operasie was suksesvol en ʼn 29-jarige uitlander is in hegtenis geneem. Die polisie het ook beslag gelê op dwelmmiddels.”

Hy het bevestig die polisie se ondersoek duur voort wat betref kinders wat dwelmmiddels koop.

“Die man sal na verwagting Maandag in die Wynberg-landdroshof verskyn op aanklag van dwelmhandel,” het Van Wyk gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Brie-brie ·

“Uitlander” Hoekom sê hulle watter tipe uitlander nie. Word die persoon beskerm. Vra maar net? Dink moontlik aan nigeriaan? Vra maar net net?

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.