Man vas wat glo motorwag doodslaan

Argieffoto

ʼn 25-jarige man is in hegtenis geneem nadat hy na bewering ʼn motorwag doodgeslaan het.

Kapt. Xoli Mbele, woordvoerder van die polisie, het gesê ʼn 26-jarige motorwag is Dinsdag omstreeks 19:30 op die hoek van Rissik- en Pritchardstraat doodgeslaan.

Volgens Mbele het die verdagte na bewering sy Toyota Yaris in die straat parkeer en by ʼn kitskosrestaurant gaan kos koop. Toe hy terugkeer, het hy gesien dat twee sakke waarin toiletware, ʼn ID-boek en ʼn matrieksertifikaat was, uit sy motor verdwyn het.

“Hy het die motorwag oor die sakke gevra en ʼn bakleiery het ontstaan waartydens hy die motorwag glo met sy vuiste geslaan het. Die verdagte het weggery en paramedici het die motorwag later op die toneel dood verklaar.”

Mbele sê die polisie het die verdagte by sy huis in Alexandra opgespoor waar hy homself aan die polisie oorgegee het.

Die man sal Maandag in die Johannesburg-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Andrea van Vuren

Kitskosrestaurante en verdagte karwagte werk nie meer. Korrupsie het tot op karwagvlak deurgesypel.

KoosGrapJas

Ek vertrou nie karwagte nie, my ondervinding met hulle is uiters negatief. Deesdae vermy ek hulle totaal, hulle is deel van die probleem, nie deel van die oplossing nie.

Ben

My ondervinding is dat die meeste van hulle 1) nie Suid Afrikaners is nie? 2) Hulle het geen doel as om nog geld te bedel want 3) hulle kan nie ‘n motordief stop nie. Ek stel voor sentrums kry Kameras en ‘n beheer kamer met ‘n opgeleide sekuriteits span wat ‘n voertuig tot hulle bekiking het. Samerwerking met die SAPD. Maak kamera inligting beskikbaar net soos WiFi sodat beeld op celfoon opgevang kan word.

Anoniem

Ek dink ook karwagte is n negatiewe element in die samelewing. Hulle raak arrogant as mens nie geld gee nie, en teister vrouens en oumense wat alleen is. As ek vir elkeen net R5 gee, werk dit uit op R1500 n maand, ek ry baie rond vir werk. Dit is vier keer meer as my versekering.

johan

Karwagte het n euwel geword .