ʼn 33-jarige man het Saterdagmiddag by Witsand, in die mond van die Breederivier in die Wes-Kaap, verdrink.
Die Nasionale Seereddingsinstituut (NSRI) is omstreeks 16:00 ontbied na die toneel waar die man in die water by Anchorage-strand verdwyn het, het Theo Erasmus, stasiebevelvoerder van NSRI Witsand, gesê.
“Reddingswemmers is ontplooi nadat die man onder die water verdwyn het toe hy deur ʼn systroom meegesleur is,” het Erasmus gesê. Die NSRI se seereddingsvaartuig, die SAPD, Wes-Kaapse departement van gesondheid se nooddiensspan, ʼn polisie-duikeenheid en ʼn plaaslike dokter het ook reageer op die oproep.
“Die liggaam van die man is gevind en KPR is dadelik toegepas, maar alle pogings om hom by te bring, was tevergeefs. Die dokter het die man op die toneel dood verklaar. Ons innige simpatie aan sy familie,” het Erasmus bygevoeg.
Jammer om te hoor. Die Gautengers wat see toe gaan moet weet die see vat net en is nie jou speelmaat nie.
Waar staan dat hy ‘n Gautenger was? Of is dit nou net Gautengers wat verdrink?