Man verdrink in Midmardam

Argieffoto van Midmardam (Foto: Mark Hill – met toestemming van ‘n kollega/Wikimedia Commons)

ʼn 24-jarige man het Saterdagmiddag in die Midmardam in Pietermaritzburg verdrink.

Paramedici en die polisie se soek- en reddingspan het kort ná 15:00 by die toneel opgedaag. “Omstanders op die toneel het aan nooddienswerkers gesê hulle wou ʼn kano uit die dam haal toe hulle sien een van hulle vriende word vermis,” het Werner Vermaak, woordvoerder van ER24, gesê.

Polisieduikers het die man se liggaam in die dam gevind. “Daar was ongelukkig niks wat paramedici verder vir hom kon doen nie en hy is op die toneel dood verklaar.”

Plaaslike owerhede stel ondersoek in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Oom Kalahari ·

Alle medelye en sterkte aan die familie vir hul groot verlies.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.