ʼn Man in sy 30’s het in ʼn openbare swembad in Umlazi in KwaZulu-Natal verdrink.
“Die man, wat glo ʼn goeie swemmer was, was besig om ʼn lengte te swem toe hy skielik na die bodem van die swembad gesink het,” het Chris Botha, woordvoerder van Netcare 911, in ʼn verklaring gesê.
Lewensredders het die man uit die water gehaal en met KPR begin. Paramedici het ook tevergeefs gespook om die man by te bring.
Hy is op die toneel dood verklaar.