Man verkrag vrou ná hy haar werk belowe

ʼn Man is in hegtenis geneem nadat hy glo ʼn 31-jarige vrou in Waterval-Oos in Noordwes verkrag het.

“Die man het die vrou glo Saterdag by ʼn vulstasie opgelaai nadat hy vir haar werk in Rustenburg belowe het,” het kapt. Pelonomi Makau, woordvoerder van die polisie, gesê. Die man het haar na sy huis geneem waar hy haar vermoedelik verkrag het. “Sy kon Sondag daarin slaag om te ontsnap, en het die saak by die polisie aangemeld.”

Makau sê die man is Sondag in hegtenis geneem en sal binnekort in die hof verskyn. Die polisie ondersoek die saak.- SAPA