Man verloor been ná gewapende roof

Argieffoto

Argieffoto

ʼn Man van Phalaborwa se been moet geamputeer word nadat hy Sondag deur rowers in die been geskiet is.

Netwerk24 berig Thys Besselaar (35) is Vrydagoggend saam met Tokkie Hugo, eienaar van die Certainty Lodge in Sodwana, KwaZulu-Natal, aangeval. Hugo het die aand gaste onthaal en die meeste mense is omstreeks 21:00 terug na hul kamers. Hugo en Besselaar het egter agtergebly om nog ʼn drankie by die kroeg te drink.

Drie rowers, gewapen met ʼn 9 mm-pistool, ʼn AK-47 en ʼn haelgeweer, het die perseel binnegekom en die mans oorrompel. Volgens Hugo het een van die rowers deurentyd op Besselaar gefokus omdat hy gedink het hy het ʼn vuurwapen.

Besselaar het die rower met ʼn kroegstoel aangeval, terwyl Hugo die ander twee getakel het. Die rower met die haelgeweer het Besselaar in die been geskiet voordat al drie van die toneel gevlug het.

Volgens Hugo het die rowers vroeër die werkers op die perseel geteiken en verskeie selfone gesteel.

Besselaar is na ʼn hospitaal in Richardsbaai gehaas en Sondag na ’n hospitaal in Durban oorgeplaas. Sy been sal Maandag geamputeer word.

News24

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

6 Kommentare

jongste oudste gewildste
George

Al weer Sodwana , Mens kan nie meer n kaans vat daar nie , hoeveelste mense wat nou beroof word daar vir n cell foon

johan

Ek het 21 jaar in KZN gewoon, wat ‘n genade dat ek weg is daar so 8 jaar gelede, sal ook NOOIT weer daarheen terug keer nie.