Man vermoor toe drie na motorfiets kom kyk

Rouxnet en Chris Williams is net ses maande gelede getroud. Hulle wou vanjaar met ’n gesin begin het. Foto: Facebook

  • Die polisie het intussen op Maroela Media se navrae gereageer. Nuwe inligting verskyn onderaan die berig.

ʼn Elektromeganikus van Mokopane is Maandagaand met ʼn mes doodgesteek nadat drie mans na ʼn motorfiets kom kyk het wat hy wou verkoop.

Chris Williams (31), wat by Atlas Copco in die omgewing gewerk het, het die drie mans omstreeks 20:00 na sy motorhuis geneem om na die motorfiets te gaan kyk, vertel sy suster, Yvette Luus (28). Haar man, Theo Luus, sê die motorfiets het agter Chris se motor gestaan; die verdagtes sou dit dus nie kon uitkry sonder om die kar te skuif nie.

Chris se vrou, Rouxnet (28), met wie hy in Augustus verlede jaar getroud is, het haar in die huis toegesluit terwyl Chris die mans ontvang het.

Yvette sê die mans het Chris in die motorhuis met ʼn mes gesteek. ʼn Inwoner het op sy liggaam afgekom en Rouxnet gebel waar sy nog in die huis was. Volgens Theo het Chris blykbaar met sy laaste krag om hulp geroep, waarna die man kom kyk het.

Die motorfiets wat Williams wou verkoop. Foto: Facebook

Die verdagtes het net sy beursie en karsleutel geneem, maar die motorfiets net so gelos, moontlik omdat hulle dit nie uit die motorhuis kon kry nie, meen Theo.

Rouxnet is so getraumatiseer deur die moord op haar man dat sy nie eers Dinsdagoggend uit hul kamer gekom het nie, vertel Yvette. Chris, die oudste van die drie kinders, het ook ʼn broer, Wayne.

Yvette, wat Dinsdagoggend saam met haar man op pad na Mokopane van Emalahleni was, vertel haar broer­-hulle wou vanjaar met ʼn gesin begin het.

Kol. Moatshe Ngoepe, Limpopo-polisiewoordvoerder, het by navraag gesê ’n man wat die motorfiets wou koop, het Williams Maandagaand vergesel van twee ander mans besoek.

“Hulle het die motorhuis binnegegaan waar ’n stryery ontstaan het. Die slagoffer het van die messtekery geskree, waarna die drie … verdagtes in hul silwergrys Isuzu-bakkie op die vlug geslaan en die slagoffers op die toneel oorlede is.”

Hy sê die polisie het nog nie ’n verdagte in hegtenis geneem nie. Enigeen met inligting oor die moord, word gevra om kapt. Kekana van misdaadintelligensie by 082 565 8277 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

96 Kommentare

jongste oudste gewildste
Landvaneensydigheid

Hoeveel keer is hy gesteek? Watter kultuur is die 3 mans?

Werner

Sien, dit laat mense mos in n advertensie byvoeg “slegs blankes mag kom kyk na die motorfiets”. Maar nou ja, dan gaan jy tronk toe…

Marcel

Ek het al ‘n paar keer goed aanlyn adverteer en verkoop.
Maar as die koper nie aan baie spesifieke uiterlike eienskappe voldoen nie (of as sy aksent oor die foon nie presies soos myne klink nie), kan hy my maar tien keer my prys ook aanbied, die item is “klaar verkoop”.

jo

Hoekom het sy haarself voor die tyd al toe gesluit? En kon sy nie hoor daar is fout nie?

son

wonder ek mos ook…