Man vermoor tydens sakeroof

Foto: Marshall Security

Foto: Marshall Security

ʼn 57-jarige man is Donderdagaand by ʼn sakeperseel in Durban, KwaZulu-Natal, vermoor.

Kyle van Reenen, woordvoerder van Marshall Security, het gesê die maatskappy is kort ná 20:30 na ʼn sakeperseel in Columbine Place in Glen Anil, noord van Durban, ontbied. Volgens Van Reenen is ʼn man op die toneel aangetref. Hy is verskeie kere met ʼn mes gesteek.

Chris Botha, woordvoerder van Netcare 911, het gesê paramedici is na die toneel ontbied. “Die man het op die toneel aan sy beserings beswyk.”

Volgens Van Reenen is die man glo deur vier gewapende mans oorval tydens ʼn rooftogpoging. Dit is in dié stadium egter nog nie duidelik of enigiets gesteel is nie en die verdagtes is steeds soek. Die polisie ondersoek die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.