Man vermoor, vrou erg verniel in plaasaanval

Foto: Johni Edwards

Foto: Johni Edwards

Die polisie is op soek na ses verdagtes in verband met ʼn plaasmoord in die Spruitfontein-omgewing naby Rustenburg in Noordwes.

Kapt. Paul Ramaloko, woordvoerder van die polisie, het gesê die 63-jarige man, sy 50-jarige vrou en ‘n 41-jarige familielid het Donderdagaand geslaap toe ses gewapende mans die huis se deur afgebreek het.

Volgens Ramaloko is die ses mans na die egpaar se slaapkamer. “Die man het sy vuurwapen probeer gryp, waarna hy in die bors geskiet is. Hy is op die toneel dood.” Die verdagtes het die vrou erg aangerand en gedwing om die kluis oop te sluit. Die familielid is met skoenveters vasgebind en aangerand.

Ramaloko het gesê die vrou is ernstig beseer en in ʼn hospitaal opgeneem. Die familielid is ook gehospitaliseer, maar is reeds ontslaan.

Die verdagtes het met twee 9mm-pistole en die egpaar se voertuig gevlug. Die motor is Vrydagoggend verlate in Mooinooi gevind. Niemand is nog in hegtenis geneem nie en die polisie ondersoek sake van moord, poging tot moord en huisroof.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

62 Kommentare

jongste oudste gewildste
Frik Lotz

Plaasaanvalle is nou buite beheer en dit hou net aan. Dit kan nie so voortgaan nie. Die ANC vee hom af aan wat tans aan die gang is. Daar sal nou ernstig besin moet word en iets sal gedoen moet word. Genoeg is genoeg!

ismit

wel!!!! daar is JA gestem daarvoor!!!!

Elfrieda

Ons boere leef in konstante vrees met die vraag……wie van ons is volgende??

Johannes

Petisies en klagtes by die VN gaan hierdie nie stop nie. Net ons eie gewapende mag.

Jan

Dit is hart verskeurend om van hierdie aanvalle te lees. Maar dit is tyd dat die BOERE op plase indringend gewaarsku word om baie streng veiligheids maatreels toe te pas. Die aanvallers het te maklik toegang tot die huis verkry? Die polisie het nie regtig nodig om baie verder as die grensdrade te ondersoek nie. Om deesdade n kluis te gebruik is noodlottig!!!!