ʼn 45-jarige man van Noordwes het glo Dinsdagaand sy 33-jarige vrou met ʼn tuinvurk vermoor voordat hy selfmoord gepleeg het.
Kapt. Pelonomi Makau, ʼn polisiewoordvoerder, het Woensdag gesê die voorval het in Middleton, Atamelang plaasgevind.
“Die egpaar het glo ʼn rusie gehad waartydens die man sy vrou aangeval het,” het Makau gesê. “Hy het homself daarna met ʼn tou opgehang.” Volgens Makau is ʼn beskermingsbevel voor die voorval op die man bedien in ʼn poging om ʼn einde te bring aan die huishoudelike geweld waaraan hy sy vrou onderwerp het.