Kapt. Frederick van Wyk, woordvoerder van die polisie, sê die 19-jarige man van Bonteheuwel is op die hoek van Myrtle- en Jakkalsvleiweg doodgeskiet.
Van Wyk sê die insittendes van ʼn Toyota Quantum, wat daar verby gery het, het glo op die man losgebrand. Hy sê die polisie ondersoek ʼn saak van moord en poging tot moord.
Niemand is nog in verband met die voorval in hegtenis geneem nie.