Man voor vrou, dogter doodgeskiet

Argieffoto: Kent Williamson

ʼn Polisiebeampte is Donderdag in Vosloorus aan die Oos-Rand doodgeskiet toe hy sy vrou en kind tydens ʼn rooftog te hulp gesnel het.

Die polisiebeampte was nie ten tyde van die voorval aan diens nie.

Brig. Mathapelo Peters, woordvoerder van die polisie, het gesê die beampte het in die gesin se motor naby die ingang van ʼn winkel in dié nedersetting gewag terwyl sy vrou en kind in die winkel was.

ʼn Rooftog het hom in dié stadium in die winkel afgespeel waarna die winkeleienaar die winkel se alarm aktiveer het.

Peters vertel dat die polisiebeampte se dogter daarin kon slaag om na buite te hardloop om haar pa se hulp te ontbied. Die polisiebeampte het by die winkel ingehardloop om te help toe die rowers hom van agter geskiet het.

Die polisiebeampte het op die toneel ten aanskoue van sy vrou en dogter aan sy beserings beswyk.

Volgens Peters kan die oorledene nie in dié stadium geïdentifiseer word nie.

Lt.genl. Elias Mawela, provinsiale polisiekommisaris, het sy medelye aan die oorledene se naasbestaandes betuig.

“Namens die bestuur en lede van die Suid-Afrikaanse Polisiediens in die provinsie wil ek my medelye betuig met die vrou en dogter wat die tragiese dood van hul man en pa moes aanskou. Ons sal alles in ons vermoë doen om die verdagtes op te spoor sodat hulle gestraf kan word,” het Mawela gesê.

Dit is tans nog onduidelik hoeveel rowers by die voorval betrokke was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Snowball

Misdaadhool. Dankie ANC.

Maak my naar

Dankie ANC. Hiervan gaan ook niks kom nie.

Uiltjie

Twee vrae: Is die land besig om in anargie te verval, of is dit klaar daar? Ha?

Petro

Enige meegevoel aan Mevrou en dogter.

Karolis

Is dit nie fopnuus nie? Rampie se dan hier gebeur niks van sulke aard nie.
Medelye met die naasbestaandes.