Man voor vrou doodgery

Die polisie op die toneel. Foto: Verskaf

ʼn 27-jarige man is Dinsdagoggend voor sy vrou in Heidelberg in Gauteng doodgery.

Kapt. Thivhulawi Tshilate, polisiewoordvoerder, het gesê die voorval het omstreeks 07:30 op die R23 langs die Heidelberg-gevangenis plaasgevind.

“Die man het saam met sy vrou langs die pad geloop toe ʼn wit Toyota Quantum-minibustaxi hom getref het. Die man en sy vrou het in die rigting van die dorp gestap,” het Tshilate gesê.

“Die taxi het die man glo getref toe die bestuurder van die voertuig ʼn wit Ford Bantam aan die linkerkant verbygesteek het.”

Die taxi het daarna teen die bakkie gebots en skade aan die bakkie se linkervoorkant aangerig.

Die voetganger is deur paramedici van Emer-G-Med op die toneel dood verklaar.

Die Heidelberg-polisie ondersoek ʼn saak van strafbare manslag.

Skade aan die taxi. Foto: Verskaf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Lee

Hulle moet die klag verander na moord toe nie strafbare manslag nie. Taxis doen net wat hulle wil en kom weg daarmee en dis sommer nonsense. Pound sy taxi dat hy hom nooit weer terugkry nie. Die arme vrou. Voel so jammer vir haar. Dis tragies. Rus in Vrede xx

André Rademan

Wanneer ‘n persoon homself verdedig, en die aanvaller sterf, word hy van moord aan gekla tot die teendeel bewys word, al het hy wettig op getree. Hoekom is die Manslag, as die persoon die dood veroorsaak het, terwyl hy onwettig op getree het?

Boet Fasie

Lee – stem saam met jou, taxi bestuurders doen en ry net soos hulle wil op ons land se paaie. Die wat nog opgeneem word as bus besuurders in ons land se publieke vervoerstelsel, bestuur net so swak as toe hulle taxi bestuur het , met “n nog groter voertuig en meer lewens op die spel.

hein

Kom kyk hoe ry hulle in Zambezi dr in die ogende links verby en dit word openlik en met cell fone teen die oor gedoen .
Daars nerens enige verkeers manne tesien nie nerens .
Ek stem moord is n beter opsie as ons padreels moet na kom kan ons mede Suid Afrikaanse mense ook .
Of is dit n geval van equal rights kan almal nou maar so bestuur ( WET LOOS )

Penellope Jones

Dit kom voor asof baie min van die taxi-bestuurders geldige bestuurderslisensies het.
As hulle het, hoe op dees aarde het hulle die leerlinglisensie-eksamen geslaag???
En as hulle alles suksesvol geslaag het, hoekom doen hulle wat hulle doen wanneer hulle agter die stuurwiel inklim???