Man wat glo Devon aanrand in nog ʼn saak ondersoek

Carel Odendaal

Die 33-jarige man wat aangekla word in verband met die aanranding op Devon Hofmeyr, word nou glo by nog ʼn aanrandingsaak betrek.

Carel Odendaal is verlede week in hegtenis geneem in verband met die aanranding op Hofmeyr in Junie vanjaar.

Hy het op 23 Julie in die Pretoria-landdroshof verskyn op aanklag van aanranding met die doel om ernstig te beseer. Die saak is tot 20 Augustus uitgestel. Odendaal is nie in aanhouding nie.

Volgens kapt. Colette Weilbach, woordvoerder van die polisie, word daar intussen ondersoek ingestel of Odendaal betrokke was by nog ʼn aanranding nadat ʼn saak by die Garsfontein-polisiestasie aanhangig gemaak is.

Hofmeyr is die aand van 6 Junie omstreeks 23:00 buite die Platteland-kuierplek in Centurion erg aangerand.

Hofmeyr se kakebeen is afgeslaan en hy het ligte bloeding op die brein opgedoen. Hy is na ʼn hospitaal geneem en moes ʼn operasie ondergaan.

Devon is die sanger Steve Hofmeyr se seun.

Steve en Devon Hofmeyr. Foto: Facebook

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
ProotGraat

Kalmeer Careltjie. Chill dude. Dis onnodig. Of trek buiteland toe en gaan haal jou maniere daar uit. SA het dit nie nodig.

Fanie

Wat gaan met die jong mense aan!

Lindie

Sjoe, Die man sal sy woede onder beheer moet kry, want dit lyk asof dit hom beheer!

Anoniem

CallieL, wat noem mens iemand wat ‘n boelie boelie?

honourable member

Dis nou weer een van daai ou mannetjies wat alles met die vuiste wil regmaak.