Man wat Ramaphosa k-woord noem, bly in arres

Kessie Nair. Foto: Facebook

Die Durbaniet wat pres. Cyril Ramaphosa die k-woord in ʼn video toegesnou het, bly in polisieaanhouding tot hy weer op 1 Oktober in die hof moet verskyn.
The Mercury berig Kessie Nair sou vandag aansoek om borgtog in die Verulam-landdroshof gedoen het, maar die saak is uitgestel vir verdere ondersoek.
Ses aanklagte van crimen injuria en twee van aanhitsing en opstoking staar hom in die gesig nadat hy verlede week in ʼn video te velde getrek het teen Ramaphosa en hom meermale die k-woord genoem het.
Nair het die media in die hof toegespreek en gesê hy het nie nodig om enigsins sielkundig geassesseer te word nie.
Die polisie in KwaZulu-Natal het Nair op 19 September in Phoenix in hegtenis geneem. Hulle het die ondersoekdossier ná die inhegtenisneming aan die Valke vir verdere ondersoek oorhandig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
Blommie

Iemand wat moord pleeg of verkrag of aanrand kry borgtog maar iemand wat kriminin injuria pleeg word in aanhouding gehou. Binnekort sal dit ook as n Skedule 6 klag gesien word.

Persoonlik wonder ek ook maar wat het hierdie man gedink doen hy om so iets op video vas te le. Dis mos nou openlik vir moeilikheid soek.

Eben

Ek sal graag wil sien dat alle haatspraak op dieselfde vlak voor die reg staan.

Ek het ‘n gevoel dat die man ‘n sielkundige probleem het. Ek hoop sy ondersteuningnetwerk iditifiseer dit ook en kry hulp.

Johan

Ek is ten gunte oor die man se optrede en uitsprake nie. Maar aanhitsing en opstoking? Dit is belaglik. Weekliks staan Malema en BLF op podiums en stook mense op en hits hulle aan tot kriminalteit, maar met hulle gebeur daar niks.

Spike

Die anc is bang vir die eff en blf. Eintlik is hulle groot maats.

Se wie

Die valke? Ja ne deesdae is hulle die politieke party aan bewind se militere vleuel. Belaglik.