Man weer in hof ná werker in ‘jagongeluk’ sterf

hof-hamer

Argieffoto.

Die man wat na bewering ʼn plaaswerker doodgeskiet het omdat hy hom in die donker vir ʼn bosvark aangesien het, sal weer vandag in die Modimolle-landdroshof in Limpopo op aanklag van moord verskyn.

Stefan Hepburn (39) het Maandag vir die eerste keer in die hof verskyn nadat hy Sondagaand by sy huis in Pretoria in hegtenis geneem is. Hy was sedertdien in polisieaanhouding, maar sal na verwagting vandag om borgtog aansoek doen.

Maroela Media het vroeër berig Hepburn en ʼn vrou het omstreeks 20:30 Saterdag op ʼn plaas in die Tuinplaas-distrik buite Modimolle bosvarke gejag, toe die voorval gebeur het. Volgens Mojapelo beweer Hepburn hy het iets hoor beweeg en in die rigting van die geluid geskiet. Nadat hy en die vrou nader gestap het, het hulle glo besef iemand is raakgeskiet.

Die man is later as Jan Railo (23) geïdentifiseer, ʼn werker op een van die buurplase. Dit is nog nie duidelik hoekom hy op die plaas was waar hy geskiet is nie.

Hepburn het die skietery by die polisie aangemeld en ʼn saak van strafbare manslag is aanhangig gemaak. Die saak is egter, glo nadat die polisie die toneel besoek het, na ʼn saak van moord verander en Hepburn is in hegtenis geneem.

Lees alle vorige berigte oor Stefan Hepburn op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

14 Kommentare

jongste oudste gewildste
ben

Jy sien weer eens word iemand aan gekla vir moord om dat hy iemand perongeluk geskiet het in elkgeval wat soek daai persoon in die aand op plaas wa hy nie eers hoort ni seker besig met duistere plane of om n boer te vermoor so wat ga ons as blankes da omtrent doen

Scalla

Wat het die man daai tyd van die aand op die buurplaas, waar geen werkers woon, volgens vorige berig, gesoek. Ek dink hy het ander planne gehad en dit het vir hom skeef geloop.

Riaan Myburgh

Die man het nie n Werker geskiet nie, hy het n betreder geskiet. Die ou was nie veronderstel om daar te wees nie.

Denise

Ek se weer wat soek jy op die buurplaas? En daardie tyd van die aand as ek op my buurman se grond gan loop en geskiet word het ek mos vir moeilikheid gesoek en moet ek die gevolge dra want ek het oortree !!!!! Stephan is onskuldig die man moet nie daar geloop het nie loop in die pad!!!!!

a

Verstaan die aanklag van manslag, maar hoekom nou verander na moord. Die ou het die saak gaan aanmeld. Hy kon mos n ander plan gemaak het as hy wou moord pleeg en/of as dit nie n ongeluk was nie