Mandela Rhodes-stigting ontken gerugte oor beurse

Foto: Twitter

Foto: Twitter

Die Mandela Rhodes-stigting het gerugte op sosiale media ontken dat beurse nie meer deur die stigting toegeken sal word nie, weens die herrie oor Cecil John Rhodes se standbeeld by die Universiteit van Kaapstad (UK).

Judy Sikuza, programdirekteur by die stigting, het aan Maroela Media gesê dat daar geen waarheid in die gerugte steek nie en dat die toekenning van beurse vir 2016 voortgaan soos beplan. ʼn Woordvoerder van die Rhodes-trust het ook bevestig dat hul beurstoekennings normaal voortgaan.

Die bewerings kom te midde van protesoptogte op die UK-kampus met ʼn groep studente wat eis dat die Rhodes-standbeeld verwyder moet word. Die studente meen dat die standbeeld ʼn simbool van kolonialisme en wit heerskappy is. ʼn Toilet is tydens die betogings op die beeld se voetstuk uitgekeer en die beeld is ook met swart plastieksakke bedek.

Die Mandela Rhodes-stigting het op die been gekom nadat die Rhodes-trust in 2002 nagenoeg £10 miljoen oor die volgende tien jaar aan die stigting toegeken het. Die Rhodes-trust sowel as die Mandela Rhodes-stigting ken steeds op ’n jaarlikse grondslag beurse aan Suid-Afrikaanse studente toe, hoewel die organisasies se toekenningskriteria verskil.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
Chris

Ontken so al wat julle wil dit sal nog kom. Ek hoop dit word summier gestaak. Waar sal julle geld vandaan kom om dan te kan studeer. Ek hoop hulle stop die beurse. Ons moet nou druk plaas op die Rhodes stigting om all beurse te stop

Andre van Blommestein

whatever – die duiwel se bloedgeld.

Tommie

Staak alle beurse vir die ondankbare studente!!!!!! Die mense met hul entitlement simdroom raak ondraaglik. Sal my nie verbaas dat die meeste van die opstokers met die beurs studeer. Ken die beurse toe aan wit studente wat dit sal waardeer.

Drieks

Mag die UK-kampus bekend maak hoeveel studente al met hierdie Rhodes beurs gestudeer het oor al die jare???, is dit nie al rede genoeg om na soveel studente vir wie Rhodes gehelp het, hy ‘n standbeeld verdien nie.

Anton Smit

Tiepies die nuwe SA solank hulle kan geldkry maak dit nie saak waar dit vadaan kom nie