Mandela-standbeeld in New York onthul

Pres. Cyril Ramaphosa, pres. van die Algemene Vergadering van die VN Maria Espinosa en sekretaris-generaal Guterres onthul die standbeeld van Nelson Mandela by die Verenigde Nasies se hoofkantoor in New York (24 September 2018) (Foto: Verskaf/Yandisa Monakali/Dirco News Service)

ʼn Standbeeld van voormalige president Nelson Mandela sal die internasionale gemeenskap deurgaans aan sy toewyding tot die missie van die Verenigde Nasies herinner, het pres. Cyril Ramaphosa Maandag gesê.

“Ons glo dat hierdie standbeeld ook deurgaans ʼn bevestiging sal wees van Suid-Afrika se verbintenis om ʼn beter wêreld vir almal te skep,” het hy bygevoeg toe ʼn standbeeld van Mandela in New York in die VSA onthul is.

Hy het gesê Suid-Afrikaners is dankbaar oor die entoesiasme waarmee die internasionale gemeenskap die 100-jarige viering van Mandela se geboortedag aangegryp het. “Die mense van ons land, verenig in hul diversiteit, beskou Nelson Mandela as die pa van ons demokratiese nasie. Sy lewe, opofferings en uitsonderlike bydrae tot vryheid inspireer steeds nageslagte. Vir almal van ons wat hier by die Verenigde Nasies bymekaarkom, sal Nelson Mandela altyd ʼn spesiale plek in ons hart hê, weens sy toewyding tot die diens van die mensdom en die bevordering van vrede wêreldwyd.”

Die lewensgrootte standbeeld van Mandela is by die VN Algemene Vergadering in New York onthul.

“Ons dink met groot waardering en dankbaarheid aan die leidende rol wat die Verenigde Nasies gespeel het in die struggle van Suid-Afrikaners teen apartheid en die versoek dat Nelson Mandela en ander politieke gevangenes vrygelaat moet word,” het Ramaphosa bygevoeg.

“President Mandela het geglo dat die Verenigde Nasies die mees waardevolle en doeltreffende instrument is vir die bevordering van vrede, ontwikkeling en gelykheid wat die mens nog ooit op die been gebring het.”

Mandela is op 5 Desember 2013 oorlede in die ouderdom van 95.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Anoniem

United nations …..United nothing…..vrede…..????

Tiaan

SA regering skuil steeds agter mandela terwyl hul in werklikheid die teenoorgestelde boodskap voorlê as waarvoor mandela gestaan het naamlik verdeeldheid en rassistiese bevoordeling van een groep bo n ander.

marous

Onthul die vergrype en skerwe van sy visie deur sy eie mense ….

Dries du Toit

Waar is Donald Trump as hulle sulke dinge doen in sy land. Hy is n ware vrede maker

henk

Lyk my die mense aanbid die standbeeld en nie die ware God nie.