Mandrax met ʼn geraamde straatwaarde van R600 000 is Vrydag op ʼn bus op die N2 in die Oos-Kaap opgespoor.
“Drie beamptes op patrollie het die bus, van Oos-Londen onderweg na Port Elizabeth, net ná 17:00 afgetrek en deursoek,” het kapt. Mali Govender, woordvoerder van die polisie, in ʼn verklaring gesê. “Die Mandrax-tablette was in ʼn sak in die sleepwa tussen klere versteek.”
Niemand is nog in hegtenis geneem nie. -SAPA