‘n Musiekvideo van die groep se bekende Special Star volg onderaan die berig. Kelly Petlane, ʼn lid van die musiekgroep Mango Groove, is Maandag weens nierversaking oorlede, het The Mercury Woensdag berig.
John Leyden, stigterslid van die groep, het aan die koerant gesê Petlane is in die Chris Hani Baragwanath-hospitaal in Johannesburg oorlede. Hy het glo lank met diabetes gesukkel.
Petlane (64) was bekend vir sy penniefluitjiespel en talent op die saksofoon.
“RIP Bra Kelly Petlane, vriend en kollega,” het Claire Johnston, sangeres van die groep, op Twitter geskryf. “Ons gaan jou mis. Liefde en sterkte vir jou familie. Siya dabuka (ons is hartseer).”
So jammer om dit te hoor……die man KON speel!
Simpatie aan gesin en vriende…RIV