Mans in bakkie skiet glo polisieman dood

(Argieffoto)

Genl. Khehla John Sitole, die nasionale polisiekommissaris, het ’n 72-uur-aktiveringsplan in werking gestel ná ʼn polisieman by Ndwedwe, in die noorde van Durban, koelbloedig doodgeskiet is.

Brig. Vishnu Naidoo, woordvoerder van die polisie, sê lt.kol. Jabulani Ndawonde (56), die waarnemende stasiebevelvoerder van die Ndwedwe-polisie, het Maandag omstreeks 18:30 huis toe gery.

“Voorlopige ondersoek dui daarop dat Ndawonde digby die Bhamshela-taxi-staanplek deur mans in ʼn verbygaande bakkie geskiet is,” bevestig Naidoo.

“Ndawonde het op die toneel aan sy beserings beswyk.”

Die polisie doen ʼn beroep op mense met inligting oor die voorval om dit by hul naaste polisiestasie aan te meld of Stop Misdaad by 08600 10111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
Tanniepetoors

Wonder of hy al geleer het om sy rangtekens te verwyder voor hy in sy privaatvoertuig huistoe ry. Net jou rangtekens maak van jou ‘n teiken.

SomeOne

dis nou nie meer net boere nie maar polisielede ook wat afgemaai word

Mallie

Sterkte aan sy familie.

Nico

Sterkte vir die familie. Nou Cele en verbied selfverdediging, en jy sit met lyfwagte, verander jou standpunt.

Pieter

Daar is mos nie geweld in ons samelewing nie , onthou jy . Ontwapen almal insluitend die polisie, want julle se mos dis nie nodig om n wapen vir selfverdediging te dra nie