Mans met miljoene rande se koper betrap

Die gesteelde koper ter waarde van R3 miljoen behoort aan Transnet en Prasa. (Foto: Verskaf)

Twee Kameroense mans is die afgelope naweek deur lede van die Johannesburgse metropolisie in hegtenis geneem nadat gesteelde koper ter waarde van R3 miljoen in hul besit gevind is.

Daar is later bevind dat die koper aan Transnet en die Passasierspooragentskap van Suid-Afrika (Prasa) behoort.

Die mans se inhegtenisneming volg nadat metropolisiebeamptes inligting omtrent gesteelde koper op die hoek van 11de Weg en Derde Laan in Bramley in die noorde van Johannesburg gekry het.

“’n Onbekende man het die hek van die perseel oopgemaak, beamptes het hom genader, hulself as polisie geïdentifiseer en die perseel deursoek.

Twee Kameroense mans is in verband met die gesteelde koper in hegtenis geneem. (Foto: Verskaf)

“Die beamptes het nog ’n man op die perseel aangetref asook groot hoeveelhede koper wat in stukke opgesny was,” sê Xolani Fihla, metropolisiewoordvoerder.

Die mans kon by ondervraging glo geen verduideliking bied oor waar hulle die koper gekry het nie en is op die toneel in hegtenis geneem. Hulle het die metropolisiebeamptes glo ook met R10 000 probeer omkoop.

“Amptenare van City Power en Prasa is gekontak en daar is bevind dat die koper aan Transnet en Prasa behoort. Die diefstal het na raming R3 miljoen se skade aan infrastruktuur berokken.”

Die verdagtes is tans by die Bramley-polisiestasie in aanhouding. Hulle word aangekla van omkopery, die besit van gesteelde koper en die beskadiging van infrastruktuur. Hulle sal na verwagting vandag (Maandag) in die hof verskyn.

Die vakbond Untu het verlede maand gesê hy is uiters bekommerd oor ʼn string kwaadwillige voorvalle waartydens Transnet se infrastruktuur oor die afgelope twee jaar skade gely het.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

21 Kommentare

jongste oudste gewildste
Kokerboom

Koperdiefstal is lankal NIE meer ‘n grap! Dis blatante terrorisme! SAPS moet regtig nou wakker word.
Hoekom word ALLE kopers nie ge-identifiseer en gereeld onbeplande inspeksies gedoen. Vind ALLE kopers en sluit hul toe.
Sluit grense vir verdomde onekonomiese Afrika buitelanders wat ons land beset en roof!! Doen dit net. Deur al die Afrikane uit buurlande toe te laat kondoneer die regering wanbestuur korrupsie en outokrasie in die lande

Casper

Ek sal my enigste linkeroor gee dat hulle sogenaamde vlugtelinge is met vlugtelingstatus in piesangland.Dit is net ‘n rede om die land binne te suipel en dan begin hulle met hulle streke.Ek was lank immigrasiebeampte en het letterlik honderde bedrog en vervalsings en gerieflikheidshuwelike ondersoek.Ek het geen tyd vir die gemors nie.

Rooikat

Dit is omdat daar geen beheer is oor die hordes kriminele wat oor ons grense stroom nie. Want as jou land deur kriminele bestuur word gaan dit so. Bring die ou Spoorweg Polisie terug en nie privaat sekuriteits wagte soos nou nie.

Wondermaarnet

Gaan seker elk op R500 borgtog vrygelaat word sodat hulle kan vlug.

Andre

As daai R3 miljoen is, is ek die koning van Zimbabwe. Was vir die eerste keer in 5 jaar by n polisie stasie, daar is geen diens en gee trots by die mense nie. Die land is oop vir kriminele om te doen wat hulle wil!