Mans vas vir moord op vrou (52)

Argieffoto: Kent Williamson

Drie mans is in hegtenis geneem in verband met die moord op ʼn 52-jarige vrou in Willowvale in die Oos-Kaap.

Kapt. Jackson Manatha, woordvoerder van die polisie, het gesê ʼn verbyganger het die vrou se liggaam Sondag in ʼn veld aangetref.

“Die polisie is in kennis gestel en ʼn ondersoek is onmiddellik begin,” het Manatha gesê. Die vrou is glo ʼn inwoner van die Willowvale-nedersetting.

Volgens Manatha het die vrou nie sigbare beserings gehad nie en is sy glo verwurg.

Drie verdagtes, tussen 18 en 26 jaar oud, is in verband met die moord in hegtenis geneem. “Die motief is in dié stadium onbekend.”

Die verdagtes sal Dinsdag in die Willowvale-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Mrs.B ·

Nee, nee, nee. Waarvoor die arme vrou doodmaak? So wreed!!!!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.