Mantashe wil Zondo-bevindinge betwis

Gwede Mantashe, minister van minerale hulpbronne en energiesake. (Foto: Twitter)

Gwede Mantashe, minister van minerale bronne en energiesake en voormalige sekretaris-generaal van die ANC, gaan die bevindinge wat in die derde deel van die Zondo-kommissie van ondersoek na staatskaping, korrupsie en bedrog se verslag uiteengesit is, op geregtelike hersiening plaas.

Dit kom nadat die verslag bevind het dat Mantashe voordeel getrek het uit Bosasa se “korrupte modus operandi” en dus ook vir korrupsie ondersoek moet word.

Mantashe het Woensdag gesê dat sy prokureurs nou die verslag fynkam en binnekort hom sal adviseer oor watter regsroete hy kan volg om die verslag se bevindings te betwis.

Hy het tydens sy getuienis voor die staatskapingskommissie erken dat Bosasa destyds kringtelevisiekameras by sy huise in Boksburg, Gauteng asook in Cala en Elliot in die Oos-Kaap geïnstalleer het.

Mantashe het dit egter ontken dat daar enigiets onheilspellend aan die installasies was, wat glo deur sy sekuriteitsadviseur gereël is.

Hy het ook aangevoer dat dit nie op enige basis gedoen is om gunste van hom te werf nie, aangesien hy net ʼn sekretaris-generaal van die ANC was en nie ʼn minister nie – dus kon hy nie enige tenders toegestaan het nie.

Volgens Mantashe beplan hy nou om die verslag op hersiening te plaas.

“Ons glo dat daar gedeeltes in die verslag is wat hierdie optrede vereis,” het hy gesê.

“Ek sal my egter nie in hierdie stadium oor die besonderhede van die bevindings [in die verslag] uitlaat nie, aangesien dit ʼn saak is wat noukeurige en wettige ondersoeke vereis.”

Luidens die verslag is daar ʼn moontlikheid dat ʼn verdere ondersoek na die saak ʼn prima facie-saak teen Mantashe ten opsigte van die misdryf van korrupsie sal ontbloot.

Mantashe hou egter vol dat die installerings ʼn onskuldige bydrae van ʼn “familievriend”, Papa Leshabane, voormalige direkteur en uitvoerende hoof van Bosasa, was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

24 Kommentare

jongste oudste gewildste
Casper

Benoude katte maak benoude spronge mnr.Mantashe.

Kobus

Ag tog Mantashe, die verslag beveel net aan dat jy ondersoek work en nie dat jy skuldig is nie. Wat wil jy op hersiening neem? Jy mors ons tyd, julle is almal onskuldig en nou gooi julle woorde rond om belangrik te klink. Hoop jou regspan help jou reg

Jack

Snaaks hoe die mense werk.Die waarheid en feite met bewyse moet altyd betwis word en hulle erken nooit skuld nie.Dit is soos om nooit skaam te wees vir jou dade nie.Jy gaan hof toe maar aanvaar nooit verantwoordelikheid vir jou dade nie.Jy appeleer so ver moontlik jou onskuld en NOOIT erken jy enige skuld nie.

Drico

Shame…lyk my sekretaris-generaal poste betaal ook maar sleg. So sleg dat hy nie eers sy eie kringtelevisiekameras kan bekostig nie. Gelukkig het hy n familievriend gehad in Bosasa wat hierdie liefdestakie vir hom kon doen! Kan nie verstaan hoe kan die Zondo-verslag hom nou as korrup uitmaak nie…eish. LOL

Frank

Al is hulle skuldig bly hulle steeds lieg. Hy moet met sy gat in die tronk gaan sit. Daar kan hy darem tyd kry om te leer om oordentlik te praat en nie al die tyd te sissss nie.