Mashaba uitgejou toe hy Alex besoek

Herman Mashaba, burgemeester van Johannesburg, probeer tevergeefs om die Alexandra-gemeenskap toe te spreek. (Foto: Simphiwe Mbokazi/ANA)

Herman Mashaba, burgemeester van Johannesburg, het Maandag tevergeefs probeer om ontevrede Alexandra-inwoners toe te spreek voordat hy uiteindelik moed opgegee en die podium verlaat het.

“Pres. Cyril Ramaphosa het van my verwag om alles net so te los en Alexandra toe te kom, terwyl hy nooit eers Marikana toe was nie,” het Mashaba aan verslaggewers gesê ná sy mislukte poging om die inwoners toe te spreek.

“As die president weet hoe om vinnig op te tree, sou hy opgetree het in Marikana waar mense vermoor is. Die gemeenskap daar het hom gevra om na hulle te luister en hy het nie soontoe gegaan nie, maar hy het die moed om vir my te sê om alles te los en Alexandra toe te gaan,” het ʼn woedende Mashaba gesê. Hy het bygevoeg die saak is ʼn persoonlike kwessie.

Inwoners van Alexandra weier om toe te laat dat Herman Mashaba, burgemeester van Johannesburg, hulle toespreek. (Foto: Simphiwe Mbokazi/ANA)

Ramaphosa en Gauteng premier David Makhura het verlede week Alexandra-inwoners gaan toespreek nadat gewelddadige betogings in die gebied uitgebreek het. Ramaphosa het ʼn span ministers gevra om met gemeenskapsleiers te vergader en aan hom terugvoer te gee. Hy het ook die Johannesburgse metro opdrag gegee om in die dorp in te gryp.

Mashaba het Maandagaand probeer om inwoners toe te spreek oor die dienslewering waaroor hulle so ongelukkig is, maar is uitgejou en doodgeskree deur die ontevrede skare.

Die burgemeester was veronderstel om as voorsitter op te tree by die geïntegreerde ontwikkelingsessie wat in die Marlboro-gemeenskapsaal moes plaasvind, maar inwoners het verhoed dat die sessie kan begin. Sommige het gekla dat dié saal gebruik word om Alexandra se probleme te bespreek.

Inwoners van Alexandra weier om toe te laat dat Herman Mashaba, burgemeester van Johannesburg, hulle toespreek. (Foto: Simphiwe Mbokazi/ANA)

Die inwoners het geluister toe hul leiers ʼn memorandum met hul griewe, insluitend ʼn gebrek aan dienslewering en onwettige plakkershutte, oorhandig het. Toe Mashaba egter voor die podium gaan staan het die skare, meestal ANC-lede, luid begin sing. Mashaba kon nie ʼn woord uitkry nie en het naderhand die podium verlaat. Sommige inwoners het hom en sy afvaardiging met papier en leë waterbottels bestook.

Die Alexandra-kwessie het in ʼn politieke speelbal verander met die ANC en DA wat oor en weer die skuld vir die probleme op mekaar pak. In die memorandum wat die inwoners oorhandig word, word ook geëis dat politici ophou om vingers na mekaar te wys en eerder aandag te gee aan die probleem.

Mashaba is deur tientalle polisiebeamptes vergesel tydens sy besoek gisteraand.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
marous

Nou kry sy hoofman die skuld . Bwahahaha , my jaar is gemaak !

fred

soms wonder ek hoeveel van hulle werk want daar is altyd tyd om te betoog en ander mense blameer vir hulle situasie….het onlangs n boek gelees oor die 2 de wêreld oorlog…na die einde het al die mense onmiddelik begin met te werk en in n dekade die ganse west-europa weer opgebou….neem voorbeeld aan dit pleks van kla,blameer en te verniel

Willie

Die foto’s spreek boekdele

Jaco Burger

Ek twyfel sterk dat enige iets in SA gaan en sal verander. Die swart volk kon en het nog nooit iets aan hulle probleme gedoen nie. Dit is altyd iemand anders se skuld en probleem. Hulle weet net hoe om af te breuk en blaam te skuif. Soos vanoggend op die nuus, is daar ‘n stelling deur ‘n cANCer minister gemaak dat dit die ou regering se skuld is dat daar korrupsie, diefstal, verkraging ens in SA plaasvind.

Genieve

Willie ek stem 100% saam met jou en die meeste is seker buitelanders soek ook n huis