Mashaba vra parlement se ingryping by onwettige immigrante-krisis

Die Johannesburgse burgemeester, Herman Mashaba, het die parlement gevra om in te gryp in wat hy “die wanfunksionele toestand van die departement van binnelandse sake” noem.

Hy sê die toedrag van sake by die departement het gelei tot die krisis met onwettige immigrante in die stad.

“Amper drie jaar en vyf ministers van binnelandse sake later, probeer ek nog steeds die departement en ministers sover kry om te praat oor die krisis met onwettige immigrante wat Johannesburg in die gesig staar,” het Mashaba gesê.

Mashaba het vantevore al gesê onwettige immigrante plaas groot druk op die stad se begroting. Hy het hulle ook van misdaad beskuldig.

“As ʼn stad word van ons verwag om proaktief te beplan en te begroot vir die voorsiening van basiese dienste aan al ons inwoners. Hoe is ons veronderstel om dit doeltreffend te doen as ons nie weet wie hier woon nie?

“Die stad se gesondheidsdepartement is een van die slagoffers van dié onvermoë om behoorlik te begroot en te beplan.”

Mashaba het gesê Johannesburg steier onder ʼn behuisingstekort van nagenoeg 300 000 eenhede, wat vererger word deur onwettige immigrasie.

Die burgemeester het ook verwys na verlede week se gewelddadige oproer toe honderde winkeleienaars, die meeste van hulle glo buitelanders, die polisie aangeval het toe dié ʼn klopjag wou doen om op vervalste goedere beslag te lê.

“Dit is duidelik dat die departement [van binnelandse sake] sy plig versuim om te verseker dat mense wat die land inkom se inligting verwerk en hulle betyds van die nodige dokumente voorsien word.”

Mashaba het gesê hy het reeds gevra om ʼn voorlegging oor die probleem aan die parlementêre portefeuljekomitee oor binnelandse sake te doen.

“Ek hoop die komitee kan die departement aanspreeklik hou en verseker dat hy sy grondwetlike verpligting nakom.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Anoniem

Hoe se hulle welcome in africa. Ons land is n groot grap.

honourable member

Die immigrante kwessie is lankal buite beheer. Hulle verbeel hulle al die land behoord aan hulle. Hierdie sogenaamde RDP huise behoord alles aan vreemdelinge. Weereens die regering laat dit toe so sterkte as julle dink hierdie chaos gaan ooit uitgesorteer word. Die hele Lesotho trek dan SASSA grants hier agv onwettige id’s.

Koos de Meyer.

Die onwettige immigrante slaan die kitaar soos dit vir my lyk en wie dans. Alles te danke aan die ANC.

Zorro

Dit lyk vir my of daar wereldwyd in die rigting beweeg word om grense en burgerskap te verslap. Geleerde mense wat ‘n inkomste verdien vind dit steeds moelik om van land te verwissel met vorms, mediese toetse en allerhande vereistes. Aan die ander kant word mense wat tevoet of in ‘n sinkende skip is, wat enige iets eet wat voorkom en wat onbeheersd in getalle groei, voor die voet wereldwyd toegelaat.

Poot

Amper 26 jaar en BAIE ministers later… en julle struggle nòg.