Matie in hof na hy glo vrouestudent verkrag

Universiteit van Stellenbosch Foto: cair.za.net

Universiteit van Stellenbosch Foto: cair.za.net

ʼn 21-jarige student van die Universiteit Stellenbosch (US) het vroeër die week in die dorp se landdroshof verskyn nadat hy glo ʼn vrouestudent op die kampus verkrag het.

Kapt. FC van Wyk, woordvoerder van die polisie, het aan Maroela Media gesê die voorval het glo op 29 Januarie plaasgevind. Die verdagte is Maandag in hegtenis geneem en hy het dieselfde dag in die Stellenbosch-landdroshof verskyn op aanklag van verkragting. “Die saak is tot 25 Februarie uitgestel.”

Die bestuur van die US het intussen sy skok oor die voorval uitgespreek. Volgens die universiteit het die beweerde voorval glo in een van die manskoshuise plaasgevind en die verdagte is versoek om die koshuis te verlaat hangende die ondersoeke teen hom.

Prof Leopoldt van Huyssteen, waarnemende rektor en visekanselier van die US, het gesê die universiteit is besig met sy eie ondersoek na die voorval en sal na afhandeling hiervan oor verdere stappe besluit. “Die universiteit het ʼn baie goeie beleid op alle vorme van seksuele teistering en wat streng toegepas word. Ek doen intussen ʼn beroep op al ons studente om die erns van hierdie saak te begryp en die SAPD ʼn billike geleentheid te gee om die ondersoek af te handel.”

Van Huyssteen het versoek dat die privaatheid van al die betrokkenes gerespekteer word. “Sulke voorvalle gaan met baie trauma gepaard, nie net vir die spesifieke studente nie, maar ook hul gesinne, hul vriende en die groter studentegemeenskap. Dit is baie jammer dat die beweerde insident ʼn skadu werp op die US se waardestelsels en op ʼn andersins uitstekende afskop van 2015 se akademiese jaar,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
zahn

Absoluut tragies. Wat ook die aandag aangryp is die feit dat daar om een of ander rede absoluut niks van ras genoem word nie. Soud dit ‘n blanke wees wat verkrag het, het die opskrif hierbo sekerlik anders daar uitgesien. Ek noem dit net. En ja, ek gooi die raskaart, as die swartman dit kan doen, kan ek ook.

pop

Zahn, jys natuurlik reg ne!!!!Wat soek die vrouens daar by die mans, is wat ek my afvra???Of mag hulle deesdae so in mekaar se koshuise kom. Sjoe!!!!!

CJ

Zahn sy het vir vriende daar gaan kuier. Maar ek stem saam met jou, sy moes gladnie in die manskoshuis gewees het nie. Maar, dit gee daardie man nie die reg om haar te verkrag het nie, en ek glo dat dit nie die eerste keer was wat hy verkrag nie.

Maronel

Ook gewonder hoekom die velkleur nie genoem word nie. As dit blank was, was dit beslis gemeld.

BoerinDT

Maroela, wil julle nie maar die feite deurgee soos dit is nie – Swart of Blanke wat Swart of Blanke verkrag het ….. laat ek raai, Swart op Wit ?
… juis hoekom dit nie genoem is nie, of is ek verkeerd?
Meskien swart op swart … juis dit sou ook nie so geplaas geword het nie?