Matie-moord: Nog ʼn verdagte vas

Hannah Cornelius (Foto verskaf aan Maroela Media)

ʼn Vierde verdagte is in hegtenis geneem in verband met die moord op Hannah Cornelius (21), ʼn student aan die Universiteit Stellenbosch.

Kapt. FC van Wyk, provinsiale polisiewoordvoerder van die Wes-Kaap, het Dinsdag aan Maroela Media bevestig die 26-jarige verdagte, van Cloetesville in Stellenbosch, is Maandagaand vasgetrek.

“Hy moet more [Woensdag] in die Stellenbosch-landdroshof verskyn,” het Van Wyk gesê.

Twee van die mans wat Saterdag weens die voorval in hegtenis geneem is, het Maandag in die Stellenbosch-landdroshof verskyn en ‘n derde persoon wat laat Sondag vasgetrek is, sal na verwagting Dinsdag in dieselfde hof verskyn.

Maroela Media het vroeër berig Vernon Junald Witbooi (32) en Geraldo Parsons (26) het vlugtig in die hof verskyn voor die saak tot 28 Julie uitgestel is vir verdere ondersoek. Hulle word aangekla van moord, ontvoering, verkragting, roof met verswarende omstandighede en motordiefstal.

Cornelius, ʼn tweedejaar BA-student aan die Universiteit Stellenbosch, en ʼn studentemansvriend wat teologie studeer, het Vrydagaand in die dorp in die blou VW Golfie, wat haar 91-jarige ouma vir haar gegee het, rondgery. Hulle is vroeg Saterdagoggend gekaap en ontvoer. Die vriend kon in ʼn stadium slaag om te ontsnap en is in ʼn ernstige toestand met hoofbeserings na ʼn hospitaal geneem.

Cornelius se liggaam is Saterdag omstreeks 08:30 naby ʼn bekende wynplaas op die Knorhoekpad buite Stellenbosch aangetref.

Die polisie het tydens die inhegtenisnemings van die eerste twee verdagtes op die gekaapte voertuig beslag gelê.

“Sy was die mees perfekte mens – slim, mooi, talentvol en jonk. Haar hele lewe het voorgelê en toe word sy so wreed en onnodig van ons weggeruk. Ons familie staan mekaar by, maar niks kan die leemte vul nie,” het Lali van Zuydam (27), Cornelius se niggie en ʼn familiewoordvoerder, Maandag in ʼn emosionele huldeblyk aan Maroela Media gesê. Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Gideon

Ek gaan weer probeer – miskien sal Maroela so gaaf wees om dit te wys.
Die mansstudent wat weggekom het is vir my vreemd omdat hierdie tipe bendes niemand lewend agterlaat nie. ?

POP

En wat van poging tot moord op die arme vriend?

snoefie

so onnodig. alle simpatie en sterkte aan die ouers, familie, vriende en geliefdes.

Pieter

En soos wat dit in SA is, word verkragting ook nou gedink. Waar’s die vroue van die anc nou, waars die betogings en afgebrandery van die eff en partye? Sterkte aan vriende en familie, mag sy nou rus vind

Theresa

Sou dink doodstraf kan werk in ‘n land en stelsel waar die misdaad sonder enige twyfel bewys kan word. Anders kan dinge skeefloop. Met al die onreg in hierdie land en omkoopbaarheid van talle, het ek nie die oortuiging dat dit tans reg aangewend sal word nie…