Matthew Williams
Só het die studentekomitee van die fakulteit opvoedkunde aan die Universiteit Stellenbosch (US) hulde gebring aan Williams nadat sy liggaam Vrydagoggend in die omgewing van die Stellenboschberg gevind is.
“Hy het die vrygewigste siel gehad en ’n verwelkomende en positiewe persoonlikheid,” het Euwen Etson, voorsitter van die komitee, gesê.
Williams, ’n onderwysstudent in sy derde jaar, is Donderdagaand as vermis aangemeld. Konst. Noloyiso Rwexana, woordvoerder van die polisie, het gesê sy liggaam is omstreeks 08:00 Vrydagoggend in die berg gevind.
Volgens die US se studenteraad het Williams glo sowat 35 m geval van waar sy liggaam gevind is. Berading is beskikbaar gemaak vir Williams se vriende en medestudente.
Die studentekomitee het hul medelye met Williams se ouers, familie en vriende uitgespreek.
Rwexana het intussen bevestig ’n geregtelike doodsondersoek is geopen. “Die presiese omstandighede rondom die voorval word ondersoek.”
Sterkte aan sy familie en vriende. Dis tragies.
My innige simpatie aan die familie hy is nog so jonk
When the cold rains kept on and killed the spring, it was as if a young person died for no reason. – Hemmingway. My diepste meegevoel aan al die geliefdes van al die mooi kinders wie se lewens so gou kortgeknip word.
Hoe weet ons hy is nie dalk af gegooi nie. Sterkte vir sy familie.
Daardie skiet gedagte het onlangs ook by my op gekom na die soveelste liggaam van Tafelberg gehaal is.
Alle simpatie met sy ouers.
Baie sterkte aan sy naasbestaandes! Daar word nou al amper elke dag gelees van moorde op ons Jong mense, dis ‘n nagmerrie! Mag die Here sy hand van vertroosting oor julle hou