Matrikulant lol glo met leerders in koshuis

Argieffoto ter illustrasie (Foto: Pixabay)

Leerders aan die St. Michael’s School for Girls in Bloemfontein in die Vrystaat het vandeesweek aan ’n stille betoging deelgeneem nadat bewerings van beweerde seksuele wangedrag teenoor ’n matriekleerder geopper is.

Die beweerde wangedrag het glo reeds verlede jaar by die skoolkoshuis plaasgevind, maar het volgens die provinsiale departement van onderwys eers verlede maand onder die skool en departement se aandag gekom. Die departement wou nie besonderhede oor die aard van die klagtes bekendmaak nie.

Howard Ndaba, woordvoerder van die Vrystaatse departement van onderwys, sê ’n ondersoek na die bewerings is onmiddellik daarna van stapel gestuur en die betrokke leerder is geskors hangende die ondersoek.

Ndaba het gesê dit byk uit die aantal klagtes en die onlangse stille betoging deur leerders dat daar verskeie vermeende slagoffers is en dat die meerderheid van hulle in laer grade is.

Volgens Ndaba het die leerder se regsverteenwoordiger Woensdag tydens ’n verhoor voorgestel dat die leerder vrywillig die skool verlaat.

Die verhoor sou aanvanklik vroeër vandeesmaand reeds plaasgevind het, maar is later uitgestel omdat die betrokke regsverteenwoordiger nie beskikbaar was nie.

Die skool het Maroela Media Donderdag na die departement verwys vir navrae.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Werner

Dit is omdat ons kinders sielkundig moet grootmaak bring lyfstraf terug en die hele wereld Sal n beter plek wees tronkstraf help nie

Erika

Daardie Kind is defnitief n Potensiele krimeneel Dit vertel jou gou omtrent sy Waardes in die Huishouding As Ons kinders grootgemaak is om verhouding met God te he sal daar reeds verskil wees

Charmain

Nou verlaat die leerder die skool en gaan net eenvoudig voort met die gruweldade by die volgende skool, klink nie vir my na n oplossing nie!

Johanna

Liewe Ouers!!! Seksuele wangedrag word nie met n pakslae reggemaak nie, nog minder met vrywillige skorsing. Almal wat geraak word moet berading kry en selfs die mollesteerder ook. Die mollesteerder was beslis ook TE vroeg in haar LEWE seksueel bewus gemaak deur iemand wat haar misbruik het. As die mollesteerder oud genoeg is moet geregtelike stappe geneem word en sielkundige waarneming verpligtend wees. Mens vee nie hierdie tipe ding onder die mat in nie. Nooit nie!! Ouers van hierdie kinders moet hierdie saak baie HOOG op aanspreek. Dit is presies wat die Roomskatolieke kerke doen, seksuele wandade word toegesmeer. Waar… Lees meer »

Peetjie

En nou het hy die skool verlaat net om op n ander plek te gaan pla