Die Tshwane-nooddienste is omstreeks 08:00 van die brand ingelig (Foto: Nkhanedzeni , Twitter)
’n Groep matrikulante van Pretoria kon nie Maandagoggend hul wiskundevraestel skryf nie nadat ’n brand uitgebreek het in die gebou waarin hulle die eksamen sou aflê.
Die matrikulante sou hul tweede wiskunde-vraestel by die Tshwane City College in die middestad skryf. Dié private onderwysinstelling is op die vyfde verdieping van die Karl Kling-gebou in Madibastraat, Pretoria, geleë. Die gebou bestaan uit onder meer kantore.
Die brand het in ’n kantoor op die derde verdieping van die gebou uitgebreek.
Volgens Thabo Charles Mabaso, woordvoerder van die Tshwane-nooddiens, is die nooddiens omstreeks 08:00 van die brand in kennis gestel.
“Brandbestryders het na die derde verdieping gehaas en kon daarin slaag om die brand vinnig te blus,” bevestig Mabaso.
“Matrikulante wat op die vyfde verdieping eksamen geskryf het, moes die gebou weens die rook verlaat. Amptenare van die skool het vergader om ’n alternatiewe plek te reël waar die leerders hul eksamen kan skryf.”
Volgens Mabaso is ’n man vir rookinaseming behandel en per ambulans hospitaal toe geneem.
“Die oorsaak van die brand word ondersoek.”
Fire: Pretoria CBD. Possible arson. pic.twitter.com/zVQE7TVuwH
— Yusuf Abramjee (@Abramjee) November 8, 2021
Kaders wat nie kan bybly nie brand alles af om tot hulle vlak te daal.
Ek ruik n rot. Seker brand gestig om die eksamen te mis , en nou kry almal die kinders jammer. Siestog.
Nou toe nou, dit laat mens nou wonder nê